طالبانو د ایران په کرمان ولایت کې تروریستي پېښه غندلې ده

د طالبانو د بهرنیو چارو وزارت ویاند په یوه بیان کې د ایران په کرمان ولایت کې ترهګریز برید غندلی دی.

د طالبانو د بهرنیو چارو د وزارت ویاند عبدالقهار بلخي د ایران په کرمان ولایت کښې د ترهګرې حملې په غبرګون کښې په یوې بیانیې کښې وویل: د طالبانو د بهرنیو چارو وزارت د ایران د اسلامي جمهوریت په کرمان ولایت کښې د دوو چاودنو غندنه کوي چې په نتیجه کښې د دغه هېواد يو شمېر وګړي شهیدان او ژوبل شول.

بلخي د بیان په دوام کې زیاته کړه: طالبان د ایران له حکومت او خلکو په ځانګړې توګه د دغو پېښو د قربانیانو له کورنیو سره خپله ژوره خواخوږي او تسلیت څرګندوي.

تر اوسه د عبدالله عبدالله، حامد کرزي او احمد مسعود په ګډون بېلابېلو افغان چارواکو د دغه ترهګریز برید په اړه غبرګون ښودلی او هغه یې غندلی دی.