د نی ادارې چارواکي: په افغانستان کې ۳۲ چاپي رسنۍ تړل شوې دي

آریانانیوز: د نی ادارې د تازه شمېرو له مخې په ۲۰۲۱ کال کې په افغانستان کې له ۳۶ چاپي خپرونو څخه یوازې ۴ چاپي رسنۍ پاتې دي.

د افغانستان د ازادو رسنیو د ملاتړ ادارې “نی” اعلان وکړ چې د دوی د څېړنو له مخې تېر کال ۳۲ چاپي رسنۍ تړل شوې او اوس یوازې ۴ چاپي رسنۍ فعالیت کوي.

په ورته وخت کې د نی ادارې مشر ظریف کریمي ویلي: د نهاد د وروستیو احصایو له مخې په ۲۰۲۱ کال کې ۳۶ چاپي خپرونې وې، چې ورځپاڼې او اونیزې وې، چې له دې جملې څخه یوازې ۴ چاپي رسنۍ پاتې دي او هغه هم په ډېر کم شمیر کې چاپېږي.
او هغه هم په ډېره کمه خپرونه کې چاپېږي.

کريمي د چاپي رسنيو د بندېدو لامل اقتصادي ستونزې او د ځينو چاپي رسنيو انلاين خپرونو ته مخه کول بولي.