د سویس څخه د افغان پناه غوښتونکو اخراج؛ د بشري حقونو سرغړونه یا د عدالت پلي کول؟

د سویس د مهاجرت اداره اعلان کړې چې ۲۰ افغان اتباع چې د جرمونو په جرم محکوم شوي، به په راتلونکې څو میاشتو کې افغانستان ته بیرته ولېږل شي...

د افغانانو د اخراج تفصیلات

د سویس راډیو او ټلویزیون راپور ورکړی چې د ۲۰۲۴ کال په پیل کې، درې افغان مجرمین له دې هیواد څخه اخراج شوي او کابل ته د عادي الوتکې له لارې ولېږدول شول.

دغه کسان وروسته له دې چې خپله محکومیت بشپړ کړ، له سویس څخه اخراج شوي دي.

سویس پولیسو هغوی مستقیم طالبان ته نه دي سپارلي، بلکې یوازې تر یوې ترانزیتي الوتکې پورې یې ملګرتیا کړې ده.

د مهاجرینو د اخراج په اړه غبرګونونه

د سویس حکومت دغه اقدام د بشري حقونو د مدافع سازمانونو له خوا نیوکې سره مخ شوی دی.

د بشري حقونو مدافعین وايي چې د افغان پناه غوښتونکو اخراج کول په داسې هیواد کې چې د طالبانو په واک کې دی، د هغوی امنیت او ژوند ته ګواښ پېښوي.

خو سویس ویلي چې اوس مهال یوازې مجرمین اخراج کوي او نور افغان مهاجرین به دې پریکړې ته نه ورسیږي.

د سویس نوې پالیسي د افغان مهاجرو په اړه

دا د ۲۰۱۹ کال راهیسې لومړی ځل دی چې سویس د پناه غوښتونکو اخراج بیا پیلوي. دا پریکړه په داسې حال کې پلي کیږي چې په افغانستان کې د طالبانو تر واک لاندې د بشري حقونو وضعیت لا هم بحراني دی.