د جي ۲۰ یوه فوق العاده سرمشریزه به په افغانستان تمرکز سره ترسره شي

آریانانیوز: د ایټالیا لومړي وزیر په خپله وینا کې اعلان وکړ چې د افغانستان په اړه د جي ۲۰ یا شلو صنعتي هیوادونو سرمشریزه به د اکتوبر په 12 ترسره شي.

د ایټالیا لومړي وزیر ماریو دراګي اعلان وکړ چې د افغانستان په اړه د جي ۲۰ فوق العاده غونډه به د اکتوبر په 12 مه ترسره شي.

د رویټرز د رپوټ له مخې ، هغه په یوه وینا کې وویل چې د افغانستان مسله به پدې فوق العاده ناسته کې بحث او تبادله شي.

دا په داسې حال کې ده ایټالیا د جي 20 د څرخېدونکی مشري په غاړه لري او دمخه یې اعلان کړی و چې دا غونډه به د روم په ښار کې ترسره شي.

د اګست په 15 مه ، د افغانستان د پلازمېنې کابل په نیولو سره طالبانو ژمنه وکړه چې په دې هیواد کې به نوی حکومت جوړوي او په دې وروستیو کې یې په رسنیو کې د موقت حکومت غړي اعلان کړل.

دا په داسې حال کې ده چې پر افغانستان د امریکا په مشرۍ دوه لسیزې بهرني یرغل دغو خلکو ته له ناامنۍ ، بې وزلۍ او تاوتریخوالي پرته بل څه نه دي راوړي.