د افغانستان نفوس څه باندې ۳۵ میلیونو ته رسېدلی دی

د افغانستان د احصایې او اطلاعاتو ملي ادارې اعلان وکړ چې د دغه هېواد نفوس ۳۵،۸ میلیونو ته رسېدلی دی.

د افغانستان د احصایې او معلوماتو ملي اداره وايي، د وروستۍ سرشمیرنې له مخې د افغانستان نفوس ۳۵،۸ میلیونه تنو ته رسېدلی دی.

د افغانستان د احصایې او معلوماتو ملي اداره هم زیاتوي، چې ۱۸،۲ میلیونه یې نارینه او ۱۷،۶ میلیونه یې ښځې دي.

د دې ادارې د معلوماتو له مخې، ٩،٢ ميليونه وګړي په ښاري سيمو او ٢٥ ميليونه وګړي په کليو کې ژوند کوي.

د يادونې وړ ده، چې د افغانستان د احصايې او اطلاعاتو د ملي ادارې وياند محمد حليم رفيع وويل: د دغه سازمان د لومړنيو معلوماتو له مخې، په ١٤٠٣ کال کې د افغانستان نفوس ٣٤،٩ تنه اټکل شوى و.