د افغانستان د جګړې کمیسیون د امریکا له خوا د افغانستان دوه لسیزې اشغال څیړي

د افغانستان د جګړې کمیسیون چې له ۱۶ امریکایي ګوندونو څخه جوړ دی، په افغانستان کې د امریکا د دوه لسیزو اشغال په اړه څیړنه کوي.

د امریکا د کانګرس ۱۶ کسیز دوه اړخیزه هیئت چې د «افغانستان د جګړې د کمیسیون» په نوم یادیږي، د افغانستان د شل کلنې جګړې په اړه پراخې څیړنې پیل کړي دي.

د امریکا د پخواني حکومت ځینو چارواکو او اکاډمیکانو په افغانستان کې د شل کلنې جګړې پر مهال د امریکا د تېروتنو د ارزونې په اړه څېړنې پیل کړې دي.

د افغانستان د جګړې د کمیسیون مشرې شمیلا چوهدري وویل: نن موږ تاریخ جوړوو. تر دې مخکې هېڅکله هم امریکا له جګړې وروسته د خپلې پرېکړې په اړه د دومره پراخې، خپلواکې قانوني بیاکتنې غوښتنه نه ده کړې.

د اسوشیتد پرس د راپور له مخې، د امریکا د کانګرس دغه ۱۶ کسیز دوه اړخیزه پلاوي (د ډیموکراټ او جمهوري غوښتونکو ګوندونو) ته دنده سپارل شوې چې دا معلومه کړي چې په افغانستان کې د امریکا د ۲۰ کلن حضور په موده کې کومې تېروتنې شوي دي.

د دغو څېړنو د پيل موخه په افغانستان کې د امريکا د ناکامۍ علتونو معلومول او د دغه هېواد په راتلونکو جګړو کې د هغوى مخنيوى دى.

د راپور له مخې، دا بورډ به د امریکا د څلورو حکومتونو، پوځ، بهرنیو چارو وزارت، د امریکا متحدینو او سازمانونو تګلارې او کړنې وڅېړي.

د افغانستان د جګړې کمیسیون ۱۸ میاشتې وخت لري چې خپلې څېړنې ترسره کړي او د ۲۰۲۶ کال تر اګست پورې خپل وروستی راپور وړاندې کړي.