داعش له پاکستان څخه افغانستان ته ننوځي

د طالبانو د دفاع وزارت وايي: داعش له پاکستان څخه افغانستان ته داخلیږي.

د طالبانو د دفاع وزارت د یوې اعلامیې په خپرولو سره په افغانستان کې د تحریک طالبان پاکستان ته د پناه ورکولو او د هغوی د ملاتړ په اړه د پاکستان د پوځ ادعا رد کړې او دا ادعا یې بې اساسه او له حقیقته لرې بللې ده.

د طالبانو د دفاع وزارت زیاته کړه: د افغانانو لخوا په پاکستان کې پر چینايي اتباعو وروستی برید هم حقیقت نه لري.

د طالبانو د دفاع وزارت زیاته کړه چې د داعش ترهګرې ډلې له پاکستان څخه افغانستان ته راننوتي او اسلام اباد باید په دې اړه ځواب ورکړي.

د يادونې ده، چې تېره ورځ د پاکستان د پوځ وياند ادعا کړې وه، چې په خيبر پښتونخوا کې ځانمرګى بريد چې په ترڅ کې يې پنځه چينايي انجينران ووژل شول، په افغانستان کې پلان شوى و.