افغانستان کې ۱۲ زره جنايي پېښې

آریانانیوز: د طالبانو د کورنیو چارو وزارت په تېر کال کې د څه باندې ۱۲ زره جنايي پېښو خبر ورکړی دی.

د طالبانو د کورنيو چارو وزارت د اعلاميې له مخې، په تېر شمسي کال کې په ټول هېواد کې نږدې ١٢ زره جنايي پېښې رامنځته شوې او د يادو قضيو په تړاو تر ١٦ زره ډېر کسان نيول شوي دي.

د طالبانو د کورنیو چارو وزارت ویاند عبدالمتین قانع وايي، په ټول هېواد کې د جنايي جرمونو کچه د پام وړ کمه شوې ده.

د کورنيو چارو وزارت وياند د دغو پېښو په اړه وويل، چې په ١٤٠١ کال کې ١١٨٠٠ جنايي جرمونه شوي او ١٦٦٠٠ مجرمين نيول شوي دي. په ټول هېواد کې د جنايي پېښو کچه د تېرو کلونو په پرتله د پام وړ کمه شوې ده.

په ورته وخت کې یو شمېر رپوټونه سږ کال په هېواد کې د جنايي جرمونو د زیاتوالي ښودنه کوي.