افغانستان کې د ښځینه ډاکټرانو کمښت

د طالبانو د روغتیا وزیر اعلان وکړ چې هیواد د ښځینه ډاکټرانو له کمښت سره مخ دی.

د طالبانو د روغتیا وزیر قلندر عباد اروزګان ولایت ته د خپل سفر پر مهال په یوه خبري غونډه کې وویل چې د افغانستان ټول ولایتونه د ښځینه ډاکټرانو له کمښت سره مخ دي.

هغه زیاته کړه: دا وزارت په پام کې لري چې په افغانستان کې د ښځینه ډاکټرانو د کمښت ستونزه هواره کړي او د همدې موخې لپاره یې د فوق تخصصي پروګرامونو لپاره ۲۰۰ ښځینه کارمندان معرفي کړي دي.

د طالبانو د روغتیا وزیر زیاته کړه: واکمنې ادارې په تیرو دوو کلونو کې په افغانستان کې د ښځینه نرسانو او قابلو د روزنې په برخه کې ډیر پروګرامونه پیل کړي دي.