افغانستان کې د جګړې له امله د پاتې مهماتو ۴۵ زره قربانیان

د ملګرو ملتونو د بشري مرستو د همغږۍ دفتر په افغانستان کې د ماینونو د قربانیانو شمېر اعلان کړ.

د ملګرو ملتونو د بشري مرستو د همغږۍ دفتر (اوچا) اعلان وکړ چې له ۱۹۸۹ کال راهیسې ۴۵۰۰۰ افغانان د ماینونو او د جګړې د پاتې شونو چاودېدونکو توکو قرباني شوي دي.

دې سازمان په ایکس کې یو پوسټ خپور کړی او ویلي یې دي چې دا احصایه په دې معنا ده چې په افغانستان کې هره میاشت ۱۱۰ کسان د ماینونو او چاودېدونکو توکو قرباني کېږي چې له جګړې څخه پاتې دي.