په وردګو ولایت کې د ولسي وګړو کورونه نړول

آریانانیوز: یو شمېر سرچینې وایي، دولتي عسکر او سیمه ییز امنیتي چارواکي په میدان وردګو ولایت کې د امنیتي پوستو د خوندیتوب په پلمه د ولسي وګړو کورونه ړنګوي
د شمشاد تلویزون خبریال «حامد مایار په همدې تړاو په خپله فسبوک پاڼه لیکلي « په وردګو کې سیمه ییز چارواکي او د اردو سرتېري له امریکایانو خپلو کلیوالو او وطنوالو ته ډېر پاخه دي، هلته سپین ږیري، ماشومان او زنانه له کورونو ایستل کیږي او د وړل شویو موټرو په واسطه یې د سترکو په وړاندې کورونه ور نړوي
مایار زیاتوي د ملي اردو ځواکونو د وردګو ولايت د سيداباد ولسوالۍ د ملي خيلو په زاړه کلي کې د خلکو کورونه د دې لپاره نړولي دي چې د دوی پوستې له ګواښونو خوندي شي.