په هوائي بمبار کې ۱۱ ملکیانو ته مرګ ژوبله

د میدان وردګ ولایت سید آباد ولسوالۍ د تنګې درې اړوند کلیو باندي د دولتي ځواکونو د هوائي او ځمکینو عملیاتو په ترڅ کې د ښځو او ماشومانو په ګډون ۱۱ کسانو ته مرګ ژوبله اوښتې ده.

سرچینې وایي وړمه شپه یادې سیمې ته د صفر یک قوه د عملیاتو لپاره راغلې وه او د جویریزین په بازار او اطرافو یې ډزې وکړې چې په نتیجه کې یې د عابد الله په نوم محصل ووژل شو.
ورسته یې د زمبورک په کلي بمبار وکړ چې د وحید الله دوه زامن دولس کلن ایمل چې اوم صنف کې وو او اته کلن عابد چې څلورم صنف کې ووژل.
ورسته یې د علم خیلو او حسن خیلو په کلي یې بمبار وکړ چې د یو کور یوه ښځینه او د بل کور کوچنۍ ماشومه پکې ووژل شول او شپږ ښځینه زخمیانې شوې.
په لوګر ولایت کې د دولتي ځواکونو په بمبار د ملکي وګړو کورونه ویجاړ شوي او په اړه یې د کور مالکان وایی چې دوی په سعودي کې په کلونو مزدوري وکړه او کور یې جوړ کړ، خو اوس یو ځل بیا په خیمو کې اوسیدو ته اړ شوي دي.