په لویه جرګه کې د بلقیس روشن د وهلو په اړه د میررحمن رحماني عکس العمل

آریانانیوز: د ولسي جرګې رییس د بیان په صادرولو سره د ولسي جرګې د غړې بلقیس روشن وهل وغندل او په ولسمشر او د سولې مشورتي لویې جرګې له رئیس څخه یې وغوښتل چې دا مسله په جدي توګه تعقیب کړي.

هغه د سولې مشورتي لویې جرګې رییس هم وغوښتل چې د بلقیس روشن ژر تر ژره عزت بحال کړي. د ولسي جرګې رییس ټینګار وکړ چې د دې چلند او سپکاوي په اړه به وروستۍ پریکړه د ولسي جرګې د غړو لخوا په ګډه وکړي.

بیان د ولسي جرګې د رییس په حواله لیکلي:

پداسې حال کې چې د هیواد د اساسي قانون له مخې ، د یوه عادي کس نظر ته باید درناوی وشي ، دغه ناوړه عمل د ولسي جرګې ټولو غړو ژور تاثیرات راوپارول او په حقیقت کې موږ دا عمل د ملت کور او ولسي جرګې غړو ته سپکاوی پیژنو.

رحماني وویل چې له روشن سره فزیکي اړیکې د بیان د آزادۍ له ټولو ارزښتونو او معیارونو سره په ټکر کې دي.