په جلریز کې د دولتي ځواکونو عملیاتو پیل؛ ایا امنیت به د مرګ وادی ته راستون شي؟

آریانانیوز: د ملي دفاع وزارت په جلریز کې د دولتي ځواکونو د عملیاتو پیل اعلان کړ...

فواد امان؛ د ملي دفاع وزارت مرستیال ویاند په یوه ټویټ کې لیکلي چې تیره شپه امنیتي ځواکونو د جلریز ولسوالۍ د بامیان – میدان وردګو د نمبر 2 لویې لارې د امنیت تامینولو لپاره د میدان ښار او بهسودو له استقامت څخه عملیات پیل کړي.

امان وویل عملیات به تر هغه دوام ولري تر څو لویه لار په بشپړ ډول له ترهګرو پاکه نه شي.

جلریز ولسوالي له پلازمېنې څخه شاوخوا 60 کیلومتره لرې پرته ده. ولسوالي په 2001 کال کې د طالبانو له رانسکورېدو راهیسې نا امنه ده او هیڅکله له طالبانو پاکه شوې نه ده.

د میدان وردګو نمبر 2 لویه لار ، چې بامیان او نورو مرکزي سیمو ته غزیږي ، له ورته ولسوالۍ څخه تیریږی. دا لویه لار د هیواد یو له ترټولو نا امنه لارې دی ، کوم چې د مرګ وادی په نوم پیژندل کیږي.

طالبانو په مکرر ډول مرکزي سیمو ته مسافر یرغمل نیولي او وژلي دي.

ډیری قربانیان ملکي وګړي وو چې په جلریز کې د تګ راتګ پرمهال د طالبانو لخوا په ډزو وژل شوي یا سرونه پرې شوي.

که څه هم حکومت څو ځله د لویې لارې د امنیت ژمنې کړي ، خو هیڅ ډول بدلون نه دی راغلی.