ملګري ملتونه: طالبانو ګڼ شمېر امنیتي ځواکونه او پخواني افغان چارواکي وژلي دي

آریانانیوز: امنیت شورا ته د ملګرو ملتونو د سرمنشي د یوه راپور له مخې، طالبانو او د هغوی متحدینو په سلګونو پخواني افغان چارواکي، د امنیتي ځواکونو غړي او هغه اشخاص چې له افغانستانه د امریکايي ځواکونو له وتلو وروسته یې له بهرنیو ځواکونو سره کار کړی، وژلي دي.

په دې ویډیويي راپور کې، انتونیو ګوټریس د اګست په میاشت کې د جګړې له پای ته رسیدو او د طالبانو د واکمنۍ سره سره د افغانستان د 39 ملیون خلکو لپاره د ژوند د خرابېدو حال انځوروي.

ګوټریس وویل: یو پیچلی ټولنیز او اقتصادي سیسټم د تړلو په حال کې دی.

ګوټریس د ملګرو ملتونو پر امنیت شورا غږ کړی چې د وضعیت د حل لپاره د ملګرو ملتونو د ماموریت بیا تنظیم تصویب کړي، په شمول د بشري حقونو د یو نوی واحد جوړول.