طالبان د قرغزستان له تور لیست څخه وایستل شول

د طالبانو د بهرنیو چارو وزارت اعلان وکړ چې قرغزستان د دې ډلې نوم له تور لیست څخه ایستلی دی.

د افغانستان د سرپرست حکومت د بهرنیو چارو وزارت د یوې اعلامیې په خپرولو سره د ممنوعه سازمانونو له لست څخه د طالبانو د نوم د ایستلو په اړه د قرغزستان د حکومت د پرېکړې ستاینه کړې او د دغه اقدام هرکلی یې کړی دی.

په خبرپاڼه کې راغلي چې دا مهم ګام په افغانستان کې د واقعیتونو په اړه د نړیوالې ټولنې د پوهاوي او پېژندنې د زیاتوالي او له طالبانو سره د رغنده اړیکو لپاره د هېوادونو لېوالتیا ښيي.

د افغانستان د اجرائیه ریاست د بهرنیو چارو وزارت په دې باور دی چې دغه پرېکړه کولی شي د افغانستان او د سیمې او نړۍ د هېوادونو ترمنځ د دوه اړخیزو او څو اړخیزو اړیکو په ټینګښت کې مرسته وکړي.