د پاکستان د بهرنیو چارو وزیر د خبرو میز ته د طالبانو راوستو هڅه کوي!

آریانانیوز: د پاکستان د بهرنیو چارو وزیر ادعا کړې چې د هغه هیواد به هر هغه څه وکړي چې طالبان د خبرو میز ته راولي...

د پاکستان د بهرنیو چارو وزیر شاه محمود قریشي له رویټرز سره په یوه مرکه کې هغه پر وسله والو غږ وکړ چې د افغانستان د سولې په پروسه کې خپلو ښکېلتیا ته دوام ورکړي.

طالبانو مخکې ویلي وو چې دوی به تر هغه پورې په افغانستان کې د سولې په هیڅ کنفرانس کې برخه نه اخلي ترڅو ټول نړیوال ځواکونه له افغانستان څخه ووځي.

طالبانو دا دریځ وروسته له هغې اخیستی چې متحده ایالاتو ویلي چې له افغانستان څخه د سرتیرو وتل به د سپټمبر په میاشت کې بشپړ شي ، په داسې حال کې چې د دوحه هوکړه لیک له مخې دا ځواکونه باید د می تر لومړۍ نیټې پورې له افغانستانه وتلي وي.

د پاکستان د بهرنیو چارو وزیر وویل: دوی (طالبان) خپلې پریکړې پخپله کوي ، خو موږ به د هغوی د قانع کولو لپاره چې موږ یې کولی شو هرڅه به وکړو چې د دوی ښکېلتیا د دوی ملي ګټو کې ده.

هغه وویل چې طالبان د دوی په هدف کې، د بهرنیو ځواکونو په ایستلو بریالي شوي او اوس باید د سپټمبر د یوولسمې نیټې سره سم نرمښت وښیې.

ځینو سرچینو رویټرز ته ویلي چې پاکستان پر طالبانو فشار راوړی چې خبرو ته حاضر شي. خو ښاغلي قریشي وویل چې له طالبانو سره هیڅ اړیکه نه لري.

پاکستان په دوحه کې له طالبانو سره د متحده ایالاتو خبرو اترو ته لاره هواره کړه او دا یې پر طالبانو خپل پراخ نفوذ په ګوته کوي.

امریکايي او افغان چارواکو په وار وار ویلي چې د طالبانو رهبري په پاکستان کې ده.

د افغان او امریکایي چارواکو په وینا ، طالبان په پاکستان کې پناه ځای لري او د پاکستاني استخباراتو لخوا ملاتړ کیږي.

د پاکستان د بهرنیو چارو وزیر وویل که چیرې د سولې پروسه په بندون پاتې شي ، نو دا به افغانستان کورنیو جګړو ته لاره هواره کړي او د دې لامل شي چې افغانان کډوال شي.

دوه ورځې وړاندې ولسمشر غني پر پاکستان غږ وکړ چې له افغانستان سره د دوستۍ یا دښمنۍ تر منځ انتخاب وکړي.