د حکومت او طالبانو ترمینځ نیغ په نیغه مذاکرات

آریانانیوز: د صلحې په چارو کښې د حکومت وزیر تر راتلونکو دوو اونیو پورې د کابل د حکومت او طالب ډلې ترمینځ د صلحې د خبرواترو د پيلیدو خبر ورکړ.

سلام رحیمي پرون دې ټکي ته په نغوتې سره چې له طالب ډلې سره د افغانستان د حکومت مذاکرات ټاکل شوې تر راتلونکو دوو اونیو پورې په یو اروپايي هیواد کښې ترسره شي، وویل: له دغې ډلې سره د خبرو لپاره د افغانستان د حکومت په استازیتوب د پنځلس کسیز پلاوي د غوره کولو لپاره سلامشورې پیل شوې دي.
طالبانو چې د افغانستان له حکومت سره د صلحې خبرواترو ته یې تراوسه غاړه نه کښیښودله، د دغه افغان چارواکي د څرګندونو په اړه یې لا څه نه دي ویلې.