د امریکا د فدرالي حکومت پر وړاندې د افغان کډوالو شکایتونه

آریانانیوز: په امریکا کې یو شمېر افغان کډوالو د دغه هېواد د فدرالي حکومت پر ضد شکایتونه ثبت کړي دي.

په داسې حال کې چې په امریکا کې د زرګونو افغان کډوالو د موقتي استوګنې موده پای ته رسېږي، یو شمېر یې د امریکا د فدرالي حکومت پر ضد شکایتونه ثبت کړي دي.

د راپورونو له مخې د دغو پناه غوښتونکو له ډلې څخه د ډېرو هغو کسانو د کډوالۍ وضعیت چې د بشري ویزې پر بنسټ په امریکا کې د اوسېدو دوه کلن جواز لري، د روان کال تر پایه به پای ته ورسېږي.