دوو پولیسو خپل اوه ملګري وژل

آریانانیوز: دیوراپورپه اساس هلمند کې دوو پولیسو پر خپلو ملګرو د ټوپک شپېلۍ ور اړولې او اوه تنه يې وژلي دي.

پېښه د ګرشک ولسوالۍ په سپین مسجد سیمه کې شوې، چې بریدګر له سیمې سلامت وتلي دي.
د هلمند ځايي چارواکو تر اوسه په دې تړاو څه نه دي ویلي، خو طالبانو يې په اړه خبرپاڼه خپره کړې ده.
طالبان وايي، بریدګر د دوی نفوذي ملګري و، چې تر دوی سلامت ور رسېدلي دي.
د طالبانو د خبرپاڼې له مخې دې دوو تنو اوه تنه عسکر وژلي او له ځانونو سره يې شپږ میله سپکه او درنه وسله هم دوی ته ور رسولې ده.
د دولتي ځواکونو په لیکو کې خپل‌منځي بریدونه هغه پېښې ګڼل کېږي چې د ځواکونو تر منځ يې بې باوري اوج ته رسولې ده.