حامد کرزی: د افغانستان ټول خلک د کابل د لویدیځ د شهیدانو په ویر کې دي

آریانانیوز: حامد کرزي د کاج پر ښوونځي د برید د قربانیانو له کورنیو سره په کتنه کې وویل: د افغانستان ټول خلک د کابل په لویدیځ کې د شهیدانو په ویر کې دي.

د افغانستان پخواني ولسمشر حامد کرزي د کابل په لویدیځ کې د کج پر ښوونځي د برید د قربانیانو له کورنیو سره وکتل او خپله خواخوږي یې څرګنده کړه.

کرزي پر خپل فیسبوک لیکلي: د افغانستان ټول ملت ستاسو په غم کې ځان شریک ګڼي او د دغو شهیدانو په خاطر په ماتم کې دي.

دا د افغانستان د یوه وتلي سیاسي شخصیت لومړۍ کتنه ده چې د کاج پر تعلیمي مرکز د برید د قربانیانو له کورنیو سره کوي.