اشرف غني: امریکا په افغانستان کې د فساد او جمهوریت د سقوط لامل ده

آریانانیوز: غني وویل: پر امریکا باور او د بندیانو خلاصون د فساد او د افغان حکومت د سقوط عوامل دي.

د افغانستان پخوانی ولسمشر اشرف غنی وایی: امریکا پر افغان جنګسالارانو د وسلو په خرڅولو او په دوحه کښې له طالبانو سره د معاهدې په لاسلیکولو سره د فساد او د جمهوریت نظام د ړنګیدو زمینه برابره کړه.

اشرف غني څرګنده کړه چې د افغانانو دفاع ته ژمن یم او ویې ویل: د اردو له سقوط وروسته زه په داسې موقف کې نه وم چې د ولسمشر په قربانۍ د نظام ساتنه وکړم، له همدې امله له افغانستانه ووتم.

غني وویل: د کابل په ارګ کې د اوسېدو په وروستیو شېبو کې، د ملي امنیت سلاکار ماته خبر راکړ چې طالبان کلا ته نږدې شوي او د پرېکړې کولو ډېر وخت نه و، نو د وتلو پرېکړه وشوه.

غني وویل: پر امریکا باور او د بندیانو خوشې کول هغه عوامل وو چې د افغان حکومت د سقوط لامل شول.

د افغانستان پخواني ولسمشر همداراز په تېر حکومت کې د فساد په اړه وویل: د فساد اصلي ریښه د جورج بوش د ادارې او د افغانستان د جنګسالارانو سره اړیکې ته ځي; کله چې د امریکا حکومت له دغو کسانو او د وسلو له شرکتونو سره تړونونه لاسلیک کړل، او ما هڅه وکړه چې دا مسله حل کړئ.

اشرف غني افغانستان ته د خپل راتګ په اړه هم وویل چې د طالبانو تر ولکې لاندې افغانستان ته د ستنېدو اراده نه لري او هغه وخت به هېواد ته راستون شي چې د دې هېواد وګړي له دې هېواد سره د تړاو احساس ولري.

وروسته له هغه چې اشرف غني د ۲۰۲۱ کال د اګست په ۱۵ له افغانستانه وتښتېد، طالبان کابل ته ننوتل او حکومت یې سقوط شو.