امریکہ افغانستان میں خانہ جنگی کے خواہاں ہے، گلبدین حکمت یار

تحریک اسلامی افغانستان کے سربراہ گلبدین حکمت یار نے کہا ہے کہ افغانستان میں جنگ ابھی ختم نہیں ہوئی اور یہ ملک اب بھی امریکی قبضے میں ہے۔

حکمت یار نے مزید کہا کہ گزشتہ 20 سالوں میں نیٹو کی طرف سے تربیت یافتہ فوجی دستے اور کمانڈوز کو بیرونی ممالک سے جنگ کیلئے افغانستان بھیجے جا رہے ہیں۔

انہوں نے مزید کہا کہ امریکی ڈرون طیارے اب بھی افغانستان کی فضائی حدود میں خلاف ورزی کرتے دیکھے جا رہے ہیں۔

افغانستان کی اسلامی تحریک کے سربراہ نے کہا کہ امریکیوں نے افغان شہریوں کے خلاف اپنی جنگ بند نہیں کی ہے اور وہ افغانستان میں ایک اور مسلح جنگ شروع کرنے کی کوشش کر رہے ہیں۔