امنیت شورا په یمن کې د قحطي خطر په اړه اندیښنه څرګنده کړه

آریانانیوز: د ملګرو ملتونو امنیت شورا د الحدیده بندر ته د سونګ توکو د کښتیو د ننوتو د اسانه کولو غوښتنه کړې...

د الجزیرې تلویزیون په وینا ، د ملګرو ملتونو امنیت شورا په یمن کې د قحطي خطر په ګډون د خراب اقتصادي او بشري وضعیت په اړه اندیښنه څرګنده کړه.

په دې اساس ، د ملګرو ملتونو امنیت شورا له استعفا شوي او مفرور یمني حکومت څخه وغوښتل چې په منظم ډول او ځنډ پرته د الحدیدہ بندر ته د تیلو د لېږدولو لارې اسانه کړي.

د امنیت شورا په یمن کې ښکېلو اړخونو هم غږ وکړ چې په یمن کې د ملګرو ملتونو له ځانګړي استازي مارټین ګریفیتس سره رغنده همکاري وکړي او پرته له شرطونو خبرو اترو ته لاره هواره کړي.