غزہ کے کھنڈرات میں افطار؛ وہ تصویر جس نے دنیا کو ہلا کر رکھ دیا

غزہ میں ایک خاندان کی دلخراش تصویر، جو اپنے تباہ شدہ گھر کے ملبے میں بیٹھ کر افطار کر رہا ہے، مصائب، صبر اور عالمی ناانصافی کی علامت بن گئی ہے۔ اس تصویر نے ایک بار پھر دنیا کی توجہ اس علاقے میں جاری انسانی بحران کی طرف مبذول کرائی ہے۔

مسلسل حملوں نے غزہ کو کھنڈرات میں تبدیل کر دیا ہے، اور اس دوران ایک فلسطینی خاندان کی یہ دردناک تصویر، جو اپنے تباہ شدہ گھر میں افطار کر رہا ہے، مزاحمت اور مظلومیت کی علامت کے طور پر ابھری ہے۔

یہ تصویر، جو عالمی میڈیا میں تیزی سے وائرل ہوئی، ایک بار پھر غزہ میں جاری انسانی بحران کی طرف توجہ دلا رہی ہے۔

انسانی حقوق کی تنظیموں نے بارہا غزہ میں سخت حالات، شدید محاصرے، خوراک، ادویات اور بنیادی سہولیات کی قلت کے بارے میں خبردار کیا ہے، مگر عالمی برادری نے اب تک اس بحران کے خاتمے کے لیے کوئی سنجیدہ قدم نہیں اٹھایا۔ یہ تصویر ان ہزاروں کہانیوں میں سے صرف ایک ہے جو غزہ کے عوام کے درد اور امید کو بیان کرتی ہیں؛ جہاں زندگی ملبے کے بیچ بھی رواں دواں ہے۔