سابق افغان صدر کا لڑکیوں کی تعلیم کے تنازعے کے حل کا مطالبہ

سابق افغان صدر نے کہا کہ افغانستانی عوام کے لیے لڑکیوں اور خواتین کی تعلیم بہت اہم ہے۔

لڑکیوں کے لئے تعلیمی اداروں کی بندش کا حوالہ دیتے ہوئے سابق صدر نے کہا کہ لڑکیوں اور خواتین کی تعلیم اس ملک کے لوگوں کے لئے بہت اہم ہے۔

سابق افغان صدر حامد کرزئی نے ملک میں لڑکیوں اور خواتین کی تعلیم کی طرف اشارہ کرتے ہوئے کہا کہ مجھے امید ہے کہ لڑکیوں اور خواتین کی تعلیم کے بارے میں اختلافات حل ہوجائیں گے۔

حامد کرزئی کا کہنا تھا کہ افغان عوام کے لیے لڑکیوں کی تعلیم بہت اہم ہے اور میں نے طالبان کے تمام عہدیداروں کے ساتھ اس معاملے پر بات چیت کی ہے۔

افغانستان میں ایک جامع حکومت کی تشکیل کے بارے میں انہوں نے کہا کہ جامع حکومت کے بارے میں ہمارے نقطہ نظر کا مطلب قومی گفتگو ہے اور اس کا مطلب یہ ہے کہ ملک کو عوام کی مرضی سے چلایا جانا چاہئے، البتہ قومی حکومت کا مطلب یہ نہیں ہے کہ تمام لوگ شریک ہوں۔

انہوں نے کہا کہ طالبان کے اقتدار سنبھالنے کے بعد سے سیکیورٹی کی صورتحال میں بہتری آئی ہے لیکن ہم ابھی تک افغانستان میں دیرپا امن اور استحکام حاصل نہیں کر سکے ہیں۔
حامد کرزئی نے کہا کہ ہم افغانستان میں قومی مکالمے کے خواہاں ہیں، ایک ایسا مکالمہ جس میں افغانستان کے عوام شریک ہوں۔

سابق افغان صدر نے کہا کہ افغانستان کو بچانے کا طریقہ بڑی طاقتوں کے درمیان طاقت کا توازن ہے اور اگر اس کا احترام نہیں کیا گیا تو ہمیں چیلنجز کا سامنا کرنا پڑے گا۔