اسرائیل امت اسلامیہ کے جسم میں ایک ٹیومر ہے: طالبان

آریانانیوز: طالبان کے ترجمان ذبیح اللہ مجاہد نے کہا ہے کہ اسرائیل ایک ناجائز صیہونی حکومت ہے اور ہم اسے کبھی تسلیم نہیں کریں گے۔

انہوں نے مزید کہا: اسرائیل امت اسلامیہ کے جسم میں ایک ٹیومر ہے؛ قدس مسلمانوں کا مشترکہ مسئلہ ہے اور تمام مسلمانوں کو اس کے گرد متحد ہونا چاہیے۔

طالبان حکومت کے نائب وزیر اطلاعات و ثقافت نے یروشلم کو اسرائیل کا دارالحکومت تسلیم کرنے کے امریکی فیصلے کو تنقید کا نشانہ بناتے ہوئے کہا: یہ پوری امت اسلامیہ کے خلاف اقدام ہے، تعصب کا نتیجہ ہے اور غیر معقول قدم ہے۔