جرمنی: افغانستانی خواتین قیدیوں کے ٹھکانے کے بارے میں تحقیق کی جاۓ

آریانانیوز: کابل میں جرمنی کے سفارت خانے نے ایک ٹویٹ میں لکھا ہے کہ افغانستانی خواتین مظاہرین اپنے آزادی اظہار کے حق کو استعمال کرنے کے بعد لاپتہ ہوگئی ہیں اور ان کے ٹھکانے کے بارے میں تحقیق کی جانی چاہیے۔

کابل میں جرمنی کے سفارت خانے نے، جو اس وقت قطر سے اپنے فرائض انجام دے رہا ہے، حراست میں لی گئی خواتین مظاہرین کے انجام کے بارے میں تشویش کا اظہار کیا ہے اور ان کے ٹھکانے کے بارے میں تحقیق کا مطالبہ کیا ہے۔

سفارت خانے نے ایک ٹویٹ میں لکھا ہے کہ یہ بہادر خواتین آزادی اظہار کے حق کو استعمال کرنے کے بعد لاپتہ ہوگئی ہیں۔

جرمنی کے سفارت خانے نے کہا ہے کہ حراست میں لی گئی خواتین کے ٹھکانے کی تحقیقات فوری طور پر کی جائیں اور جواب دیا جاۓ۔

حالیہ دنوں میں، طالبان نے کم از کم چار خواتین مظاہرین کو ان کے گھروں اور کام کی جگہوں سے گرفتار کر لیا ہے۔