پاکستان سے افغانستان واپس آنے والے مہاجرین کو شدید بیماری کا خطرہ

عالمی ادارہ صحت نے خبردار کیا ہے کہ پاکستان سے واپس آنے والے پناہ گزینوں کو مختلف بیماریوں کا خطرہ ہے۔

افغانستان میں عالمی ادارہ صحت نے ایک رپورٹ میں کہا ہے کہ پاکستان سے واپس آنے والے پناہ گزینوں کو صحت کی سہولیات فراہم کرنے کی کوششوں کے باوجود انہیں مختلف بیماریوں کا خطرہ ہے اور انہیں پانی کی قلت اور صحت کی خدمات کے چیلنجز کا سامنا ہے۔

اس رپورٹ کے مطابق، پاکستان کی جانب سے 18 نومبر تک غیر قانونی افغان مہاجرین کو ملک بدر کرنے کے فیصلے کے بعد سے اب تک تقریبا 3 لاکھ 75 ہزار افغان مہاجرین پاکستان سے افغانستان واپس آ چکے ہیں جن میں سے 48 فیصد خواتین ہیں۔