طالبان نے خودکش حملہ آور کو کابل یونیورسٹی کا وائس چانسلر مقرر کر دیا

ذرائع کا کہنا ہے کہ طالبان کی جانب سے کابل یونیورسٹی کے ڈپٹی چانسلر کے طور پر مقرر کیے گئے حافظ عبید اللہ عبیدہ قندھار میں حراست میں لیے گئے خودکش بمبار تھے۔

ذرائع نے بتایا کہ اس خودکش بمبار کو 2017 میں صوبہ قندھار میں کار بم دھماکے سے قبل گرفتار کیا گیا تھا۔

ذرائع کے مطابق حافظ عبیداللہ عبیدہ کا تعلق صوبہ ہلمند سے ہے۔

ذرائع کا کہنا ہے اس خودکش حملہ آور کو قندھار میں حراست میں رکھنے کے بعد بگرام جیل منتقل کر دیا گیا تھا اور اسے تقریبا چار سال قید کی سزا سنائی گئی تھی۔

عبید اللہ عبیدہ اس وقت کابل یونیورسٹی میں فنانس اینڈ ایڈمنسٹریشن کے نائب سربراہ ہیں۔