آریانا نیوز: با شدت یافتن حمله‌های تهاجمی طالبان در شمال افغانستان بیش از یک‌هزار عسکر افغان به تاجکستان فرار کرده‌اند…
نیروهای سرحدی تاجکستان امروز گفتند که ۱،۰۳۷ عسکر افغان در طول شب و ۹۴ عسکر دیگر در چهارم ماه جولای به تاجکستان فرار کرده‌اند.
با شدت یافتن حمله‌های تهاجمی طالبان در شمال افغانستان، این عساکر وارد تاجکستان شده‌اند.
نیروهای سرحدی تاجکستان گفته اند که از بیست و دوم ماه جون به این‌سو نزدیک ۱،۶۰۰ عسکر افغان به تاجکستان پناه برده اند.
به گزارش رادیو آزادی، کمیتۀ دولتی امنیت ملی تاجکستان دیروز گفت که عساکر افغان بخاطر بشردوستی و حسن همجواری اجازۀ ورود به تاجکستان را یافته اند.
