آریانا نیوز: حکومت پاکستان، اقامت مهاجرین افغان راجستر شده در این کشور را تا ۳۰ جون سال ۲۰۲۵ تمدید می‌کند…
حکومت پاکستان تمدید یک‌ساله اقامت مهاجرین افغان راجستر شده در این کشور را رسماً تصویب کرد.
در اعلامیۀ حکومت پاکستان، گفته شده که حکومت با در نظر داشت فیصلۀ کابینۀ فدرال، اقامت مهاجرین افغان راجستر شده در پاکستان را تا ۳۰ جون سال ۲۰۲۵ تمدید می‌کند.
یک ملیون و سه صد هزار مهاجر افغان در پاکستان ثبت و راجستر شده‌اند و هشتصد هزار تن دیگر کارت‌های تابعیت افغانستان را دارند.
به اساس ادعای حکومت پاکستان، بیش از یک ملیون مهاجر افغان دیگر در این کشور غیرقانونی زنده گی می‌کنند که حکومت متعهد به اخراج آن‌ها است.
حکومت پاکستان از ماه نوومبر سال گذشته به این سو حدود ششصد و پنجاه هزار مهاجر افغان را اخراج کرده است.
