آریانا نیوز: بنابر اعلام وزارت صحت عامه، اتحادیه اروپا ۴۶۸ هزار دوز واکسین کرونا به ارزش یک ملیارد یورو را از طریق برنامه کواوکس به افغانستان کمک کرده است…
وزارت صحت عامه می‌گوید، همه واکسین‌های کمکی به کشور بر اساس پلان نخست به کارکنان صحی، نهاد های امنیتی و خبرنگاران تطبیق می‌شود.
دیروز هم با کمک مالی اتحادیه اروپا، بیش از ۴۶۰ هزار دوز واکسین به افغانستان تحویل داده شد.
میرویس علیزی معاون سخنگوی این وزارت گفت: در مرحلهٔ نخست ما ۵۰۰ هزار دوز واکسین کمکی هند را بدست آوردیم و امروز نیز کواوکس فایسیلتی ۴۶۸ هزار دوز واکسین را به وزارت صحت عامه تسلیم داد.
او گفت، اتحادیه اروپا این واکسین به ارزش یک ملیارد یورو را از طریق برنامه کواوکس به افغانستان کمک کرده است.
