سفر رییس جمهور غنی به قرغزستان

آریانا نیوز: رییس جمهور غنی به منظور اشتراک در اجلاس سران سازمان همکاری‌های شانگ‌های عازم بیشکیک پایتخت قرغزستان گردید…

در خبرنامه ارگ ریاست جمهوری آمده که آقای غنی صبح امروز به منظور اشتراک در اجلاس سران سازمان همکاری‌های شانگ‌های عازم بیشکیک پایتخت قرغزستان گردید.

در خبرنامه آمده است که آقای غنی ضمن سخنرانی در اجلاس سازمان همکاری‌های شانگ‌های، در حاشیه این اجلاس با شماری از رهبران و نماینده گان کشورهای عضو این سازمان نیز دیدار خواهد کرد.

گفتنی است که نشست سران شانگهای روزهای 13-14 جون در پایتخت قرغزستان برگزار می‌شود.