دیدار جنرال دوستم با نظام الدین قیصاری

آریانا نیوز: قرار است امروز سه شنبه جنرال دوستم با نظام الدین قیصاری دیدار کند…

عنایت الله بابر فرهمند، رییس دفتر جنرال عبدالرشید دوستم، معاون اول ریاست جمهوری، گفته است که قرار است امروز سه شنبه (2 اسد) جنرال دوستم با نظام الدین قیصاری، قوماندان پیشین پولیس ولسوالی قیصار ولایت فاریاب و نماینده جنرال دوستم در امور خیزش مردمی، از نزدیک دیدار کند.

رییس دفتر معاون اول ریاست جمهوری همچنان گفته است که جنرال دوستم فردا چهارشنبه (3 اسد) با رییس جمهور غنی نیز دیدار خواهد کرد.

پیش از این جنرال دوستم با ورود به کابل از دیدار با نظام ‌الدین قیصاری و رییس جمهور غنی برای حل مشکلات و تنش‌های موجود خبر داده بود.

نظام الدین قیصاری، قوماندان پیشین پولیس ولسوالی قیصار ولایت فاریاب و نماینده خاص جنرال دوستم در امور خیزش مردمی در این ولایت، به تاریخ 11 سرطان سال جاری توسط نیروهای دولتی در قرارگاه لوا اول در میمنه بازداشت شد.