آریانا نیوز: ندا محمد ندیم وزیر تحصیلات عالی طالبان از سرکوب کسانی خبر می‌دهند که به گفته او نظام طالبان تخریب می‌کنند…
ندا محمد ندیم سرپرست وزارت تحصیلات عالی طالبان هشدار می‌دهد که برای هرگونه مقابله با مخالفان نظام آماده مبارزه است و به سرکوب کسانی تاکید می‌کند که به گفتهٔ او نظام را تخریب می‌کنند.
سرپرست وزرات تحصیلات عالی طالبان در مراسم فراغت مفتی‌ها و قاضیان گفت: شما به سرتمبه‌گی خود رو می‌آورید، با دسیسه‌های بیگانه‌گان به مردم افغانستان مشکلات ایجاد می‌کنید، باز ان‌شاءالله ما به مقابله نیز آماده استیم و به سرکوب تان نیز آماده استیم.
سرپرست وزرات تحصیلات عالی طالبان کسانی را که به گفته او نظام را تخریب می‌کنند واجب القتل هستند.
ندامحمد ندیم افزود: تخریب کننده نظام اگر به زبان باشد، اگر با قلم باشد یا تخریب عملی می‌کند، تمامی آنان کسانی استند که بغات [کرده] و واجب القتل پنداشته می‌شوند.
این درحالی است که پیشتر ذبیح الله مجاهد سخنگوی طالبان گفته است که اگر کسی از امیر، وزیر، رییس و یا معین این گروه انتقاد داشته باشد، انتقاداش را باید از نزدیک مطرح بسازد.
