مقرر شدن والیان تخار، سرپل، فاریاب و بغلان از سوی ریاست جمهوری

آریانا نیوز: ریاست جمهوری افغانستان والیان، تخار، سرپل، فاریاب و بغلان و معاون ولایت لغمان را تعین کرد.

به اساس معلومات ریاست جمهوری، به درخواست ارگانهای مستقل محلی افغانستان و به اساس فرمان رییس جمهور اشرف غنی محمد یاسین ضیا والی تخار، ظاهر وحدت والی سرپل، سید انور سادات والی فاریاب، عبدالستار بارز والی بغلان و شهزاده مظلوم یار به حیث معاون والی لغمان گماشته شده اند.

در عین حال به اساس فرمان ریاست جمهوری ویس احمد برمک در پست اداره آماده گی با حوادث طبیعی تعین شده است.