آریانا نیوز: عبدالله عبدالله در آغاز نشست شورای وزیران در کابل گفت، این سفرها در آینده نزدیک صورت خواهند گرفت.
رئیس اجرائیه حکومت افغانستان می‌گوید قرار است به هدف امضای توافقنامه کاسا یکهزار، گسترش روابط اقتصادی و اشتراک در کنفرانس بین‌المللی کمک‌های بشری به تاجکستان، چین و ترکیه سفر کند.
عبدالله عبدالله روز گذشته در آغاز نشست شورای وزیران در کابل گفت، این سفرها در آینده نزدیک صورت خواهند گرفت.
به اساس معلومات ریاست اجرائیه، این سفرهای آقای عبدالله از تاریخ دوازدهم ماه جاری میلادی آغاز خواهند شد.
پیش از این عبدالله عبدالله به ایران، ترکیه، هند، چین، امریکا و شماری از کشورهای دیگر به هدف گسترش روابط سیاسی، امنیتی و اقتصادی سفر کرده‌است.
در این حال شماری از آگاهان امور سیاسی سفر مقام‌های افغان به سایر کشورها را مهم می‌دانند اما تاکید می‌کنند تا تعهدات انجام شده در این سفرها عملی گردند.
