آریانا نیوز: رییس جمهور غنی در راس یک هیات عالی رتبه دولتی عازم شهر داووس سویس گردید…
رییس جمهور غنی صبح امروز چهارشنبه در راس یک هیات عالی رتبه دولتی به منظور اشتراک در سومین روز اجلاس مجمع جهانی اقتصاد که به تاریخ 24 جنیوری انجام می‌شود، عازم شهر داووس سویس گردید.
به نقل از ارگ ریاست جمهوری، آقای غنی در جریان این سفر، در یک بحث به محوریت آینده اقتصادی افغانستان اشتراک می‌کند و در خصوص رشد اقتصاد افغانستان و نقش بارز آن در اتصال منطقوی صحبت خواهد کرد.
گفتنی است که داکتر عبدالله عبدالله رییس اجراییه نیز روز گذشته برای اشتراک در اجلاس مجمع جهانی اقتصاد عازم سویس شده بود.
گفتنی است که اجلاس مجمع اقتصادی جهان امسال از تاریخ 2 دلو 1397 برابر به 22 جنیوری 2019 آغاز شده و به اشتراک بیش از 3000 تن تاجر، سیاست‌مدار، نماینده گان حکومت‌ها، نهادهای بین‌المللی و جامعه مدنی به مدت پنج روز ادامه می‌یابد.
