دیدار عبدالله عبدالله با سخنگويان وزارت‌ها و اداره‌های مستقل دولتی

آریانا نیوز: رييس اجراييه كشور، شب گذشته در دفتر کارش با سخنگويان وزارت‌ها و اداره‌های مستقل دولتی دیدار و ملاقات کرد.

در این دیدار، رییس اجراییه کشور، مسوولیت و رسالت سخنگویان نهادهای دولتی را در امر اطلاع‌رسانی مهم و سنگین خواند.

داکتر عبدالله عبدالله با بیان این‌که در مواردی کارکردهای نهادهای دولتی به‌گونه واقع‌بینانه بازتاب نیافته است، گفت که رسانه‌ها با گذشت زمان مسلکی‌تر و معیاری‌تر به کار اطلاع‌رسانی می‌پردازند و حالا تنها به جنبه‌های منفی کار نهادها نمی‌پردازند؛ بلکه موارد مثبت را نیز بازتاب می‌دهند.

رییس اجراییه کشور، از تلاش‌ها و زحمات سخنگویان نهادهای دولتی ابراز قدردانی کرد.