آریانا نیوز: رییس جمهور کشورمان امروز با همتای اوزبیکستانی‌اش شوکت میرضیایف در قصر ریاست جمهوری آن‌کشور دیدار کرد.
درین دیدار دو جانب روی ادامه همکاری‌های دو کشور در بخش‌های سیاسی، اقتصادی و تجارتی تأکید نمودند.
اشرف غنی در یک کنفرانس مشترک خبری با همتای اوزبیکستانی‌اش از تلاش‌های این‌کشور برای بهبود رشد آسیای میانه ابراز سپاس نموده و از وی دعوت کرد از افغانستان دیدن کند.
بر اساس اعلامیۀ ارگ ریاست جمهوری، سران افغانستان و اوزبیکستان امروز یک سلسله از تفاهمنامه‌های همکاری دو جانبه در بخش‌های، سیاسی، اقتصادی، تجارتی، سرمایه‌گذاری، مخابراتی، ترانسپورتی و تحصیلی میان دو کشور را به امضا رسانیدند.
دیدار رییس جمهور غنی از اوزبیکستان، فردا چهارشنبه پایان می‌یابد.
