آریانا نیوز: بنابر اعلام وزارت صحت عامه، کمپاین فرعی واکسین پولیو امروز در ۱۸ ولایت افغانستان آغاز می‌شود…
وزارت صحت عامه افغانستان امروز دوشنبه کمپاین فرعی واکسین پولیو یا فلج اطفال را در ۱۸ ولایت کشورمان آغاز می‌کند.
این وزارت می‌گوید که در این کمپاین پنج ملیون وسه صد هزار طفل واکسین خواهند شد.
به گفته داکتر میرجان راسخ مسوول روابط عامه برنامه ملی وزارت صحت عامه، هدف کمپاین این است که ۵.۳ ملیون طفل واکسین ضد پولیو شوند. این کمپاین در مناطقی تطبیق می‌شود که با خطر بزرگ این ویروس روبه‌رو می‌باشند.
وزارت صحت عامه می‌گوید که از آغاز سال ۲۰۱۸، در هلمند، کندهار، ارزگان، کنر، نورستان و ننگرهار ۱۹ واقعه مثبت پولیو یا فلج اطفال ثبت شده‌است.
