آریانا نیوز: تنها در نیمه اول سال جاری بیش از سه هزار تن به اثر مبتلا شدن به این بیماری در کشور جان باخته اند.
وزارت صحت عامه افغانستان از افزایش بیماری دیابت یا شکر ابراز نگرانی کرده و می‌گوید، تنها در نیمه اول سال جاری بیش از سه هزار تن به اثر مبتلا شدن به این بیماری در کشور جان باخته اند.
جواجه قمرالدین صدیقی مشاور این وزارت دیروز در مراسم تجلیل از روز جهانی مبارزه با بیماری شکر گفت، این بیماری بسیار خطرناک بوده و با گذشت زمان می‌تواند اعضای مختلف بدن به شمول سیستم عصبی را آسیب برساند.
این مسوول وزارت صحت افغانستان می‌گوید، افرادیکه بیشتر از ۴۰ سال عمر دارند باید سالانه یکبار معاینات شکر را انجام دهند.
به اساس معلومات این وزارت، بیشتر زنان و مردان که از چهل سال زیاد تر عمر داشته باشند به این بیماری مبتلا می‌شوند.
