ذبیح الله مجاهد تاریخ آغاز عید قربان را اعلام کرد

ذبیح الله مجاهد تاریخ آغاز عید قربان را اعلام کرد

آریانا نیوز: سخنگوی حکومت طالبان یکبار دیگر تاکید کرده است که دوشنبه روز اول عید قربان است…

ذبیح الله مجاهد سخنگوی حکومت طالبان نا وقت روز جمعه در صفحه اکس (تویتر سابق) خود نوشته است که طبق اعلام ستره محکمه، دوشنبه روز اول عید قربان در افغانستان خواهد بود.

وی گفته است: یک بار دیگر یادآوری می کنیم که شنبه روز عرفه نیست، بلکه یکشنبه روز عرفه و دوشنبه روز اول عید قربان است.

وی تاکید کرده است که همین حکم شرعی است.

حکومت طالبان در حالی روز دوشنبه آینده را روز اول عید قربان در افغانستان گفته است که عربستان سعودی، یکشنبه را روز اول عید قربان اعلام کرده است.

 

بیشتر بخوانید  پیش بینی هواشناسی؛ احتمال بارندگی شدید در 22 ولایت کشور
همرسانی کنید!