اعطای پنجاه بورسیه تحصیلی برای محصلین افغان توسط دولت اوزبیکستان

آریانا نیوز: سفیر اوزبیکستان در کابل گفته است کشورش پنجاه بورس تحصیلی در رشته های مختلف در مقطع لیسانس به افغانستان اهدا می کند…

آژانس خبررسانی باختر در شبکۀ اکس (تویتر سابق) نوشت که سفیر اوزبیکستان در دیدار با لطف الله خیرخواه، معین علمی وزارت تحصیلات عالی طالبان، آماده گی اوزبیکستان را در زمینۀ همکاری های دوجانبۀ علمی با افغانستان ابراز کرد.

سفارت اوزبیکستان در کابل در این باره هنوز چیزی نگفته است.

باختر افزوده که در حال حاضر ۴۳ محصل افغان در اوزبیکستان مشغول تحصیل اند.

در افغانستانِ زیر حاکمیت طالبان، متعلمین دختر بالاتر از صنف ششم از رفتن به مکتب منع شده اند و طالبان پوهنتون ها را نیز به روی دختران بسته کرده اند.

مرحلۀ اول امتحان کانکور سال ۱۴۰۳ بدون حضور دختران در ۱۶ ولایت افغانستان به روز پنجشنبه ۱۷ جوزا آغاز شد.