انتقال باشنده گان افغان متقاضی ویزه امریکا به ایالت ویرجینیا

آریانا نیوز: ایالات متحده، باشنده گان افغان متقاضی ویزه امریکا را در یک قرارگاه نظامی در ایالت ویرجینیا انتقال می‌دهد…

اداره رییس جمهور جو بایدن گفته که دو و نیم هزار افغان و خانواده‌های‌شان که برای حکومت امریکا کار می‌کردند، تا تصویب ویزه، در آنجا جابجا می‌شوند.

وزارت دفاع امریکا در اطلاع‌نامهٔ به کانگرس گفته که، این افغانها قرار است هفته آینده در کمپ ریچ موند جابجا شوند.

حکومت امریکا در اوایل ماه جاری اعلام کرد، به زودی جابجایی افغانان متقاضی ویزه تحت ابتکاری موسوم به عملیات پناهجویان متحد را، آغاز می‌کند.

تخمین شده که حدود ۲۰ هزار تن به این گونه ویزه مخصوص مهاجرت علاقمند اند.