10 حوت 1396 - خارجی
آریانا نیوز: مراسم افتتاحیه رسمی 8 گذرگاه سرحدی بین تاجکستان و اوزبیکستان با حضور مقامات بلند پایه دو کشور برگزار شد…
مراسم افتتاحیه رسمی 8 گذرگاه سرحدی از جمله سرزم – جرتبه در ولایت سغد تاجکستان هم سرحد با اوزبیکستان امروز با حضور مقامات بلند پایه دو کشور برگزار شد.
در مراسم مذکور رجب بای احمدزاده ولسوال ولایت سغد و تورابجان جوره اف ولسوال ولایت سمرقند اوزبیکستان شرکت کردند.
احمدزاده در سخنانی در این مراسم افتتاح این گذرگاه ها را یک ابتکار مهم روسای جمهور دو کشور تاجکستان و اوزبیکستان عنوان کرد.
وی در ادامه با ابراز اطمینان گفت: از سرگیری فعالیت گذرگاه های سرحدی میان دو کشور باعث توسعه و تقویت ارتباطات تجاری و اقتصادی میان دوشنبه و تاشکند خواهد شد.
امروز با حضور نماینده گان مقر ولایت سغد تاجکستان و مقامات ذیربط اوزبیکستان در سرحد دو کشور به طور رسمی گذرگاه های مرکزی اوراتپه – کوشکنت ، ظفرآباد-خوست اباد ، خواتگ-اوچقرغان ، هشتیک – بیک آباد و نوبنیاد – پاپ آغاز به کار کردند.
