امریکہ اور اس کے اتحادیوں کو افغانستان کی تعمیر نو کے اخراجات برداشت کرنا ہوں گے: سیکرٹری روسی سلامتی کونسل

آریانانیوز: بروز پیر، افغانستان سے متعلق کثیرالجہتی مشاورت کے چوتھے دور کے دوران روسی سلامتی کونسل کے سیکرٹری کا کہنا تھا کہ امریکہ اور اس کے اتحادی افغانستان کو پہنچنے والے بھاری نقصان کے اصل ذمہ دار ہیں اور انہیں اس کی تعمیر نو کی قیمت ادا کرنی ہوگی۔

نکولس پیٹروشیف نے کہا: ہمیں یقین ہے کہ مغرب نے افغانستان میں جو کچھ بھی کیا ہے اس کے بعد اسے وہاں اپنی جغرافیائی سیاسی کھیل جاری رکھنے کا کوئی حق نہیں ہے۔ نیز، چونکہ افغانستان میں نمایاں نقصان کا اصل مسبب امریکہ اور اس کے اتحادی ہیں، اس لیے انہیں اس کی تعمیر نو کے اخراجات بھی برداشت کرنا ہوں گے۔

روسی قومی سلامتی کونسل کے سیکرٹری نے یہ بھی کہا کہ افغانستانی سرزمین پر دہشت گردی کے خلاف جنگ اس کے اہم ذرائع کو ختم کیے بغیر ممکن نہیں تھی، اور اس کا ایک ذریعہ ملک کے اندر اور باہر غیر قانونی ہتھیاروں کی سپلائی ہے۔

پیٹروشیف نے یہ بھی کہا کہ اگر ملک میں حالات بدستور خراب ہوتے رہے تو افغانستان سے مہاجرین کی آمد میں اضافہ ہو سکتا ہے۔

اقوام متحدہ کی ہائی کمشنر برائے مہاجرین (یو این ایچ سی آر) کی تازہ ترین اعدادوشمار بتاتے ہیں کہ اس وقت تقریباً ۳۴ لاکھ افغانستانی بے گھر اور در بدر ہیں۔