افغانستان اقوام متحدہ کی اقتصادی اور سماجی کونسل کا رکن مقرر

وزارت خارجہ نے یہ اعلان کیا ہے کہ افغانستان تین سال کی مدت کے لئے اقوام متحدہ کی معاشی اور سماجی کونسل کا رکن مقرر ہوا ہے۔

محکمہ خارجہ کی جانب سے جاری کردہ بیان میں کہا گیا ہے کہ افغانستان نے گذشتہ ایام میں ہونے والی ۷۶ویں جنرل اسمبلی کی ریاست کے انتخابات میں دو امیدوار اور اقوام متحدہ کی اقتصادی اور سماجی کونسل کے لئے ایک امیدوار نامزد کیا تھا۔

جاری کردہ بیان کے مطابق افغانستان نے سال ۲۰۲۲ سے سال ۲۰۲۴ کے دورانیہ کے لئے ۱۸۱ ووٹ حاصل کر کے اقتصادی اور سماجی کونسل کے ممبر کے عہدے پر کامیابی حاصل کی۔

وزارت خارجہ کا کہنا تھا کہ اقتصادی اور سماجی کونسل اقوام متحدہ کی معاشی اور سماجی پالیسیوں کے ذمہ دار ۶ اہم ارکان میں سے ایک ہے اور اقوام متحدہ میں ایک ایسے مرحلے میں افغانستان کی رکنیت جب ملک سیاسی اور اقتصادی معاملات کے نئے دور میں قدم رکھ رہا ہے، بہت اہمیت کا حامل ہے۔

بیان میں مزید کہا: ہم ان تمام ممالک کے شکرگزار ہیں جنہوں نے اقتصادی اور سماجی کونسل میں افغانستان کی رکنیت کے حق میں ووٹ دیا۔

وزارت خارجہ نے کہا ہے کہ اقوام متحدہ کی جنرل اسمبلی کی ریاست کے ۷۶ویں دور کے انتخابات میں مالدیپ اور افغانستان کے مابین جمہوریہ مالدیپ کے امیدوار نے سب سے زیادہ ووٹوں کی مدد سے کامیابی حاصل کی۔