سفر رییس جمهور غنی به ولایت بامیان

اشرف غنی

آریانا نیوز: رییس جمهور غنی، در راس یک هیات عالی رتبه دولتی به ولایت بامیان سفر کرده‌است…

دفتر مطبوعاتی ارگ ریاست جمهوری گفته که رییس جمهور غنی، صبح روز یکشنبه (30 سنبله) در راس یک هیات عالی رتبه دولتی به منظور بررسی وضعیت عمومی ولایت بامیان، به آن ولایت سفر نمود.

ارگ گفته که قرار است جلسه فوق‌العاده امنیتی رهبری حکومت برگزار گردد و رییس جمهور و معاونین ریاست جمهوری ضمن اشتراک در مجلس بزرگ مردمی، از پیشرفت کار احداث سرک یکاولنگ- دره صوف دیدن کنند.

بر اساس معلومات منبع؛ همچنان رییس جمهور و هیات همراه شان از ساحات باستانی و تاریخی ولایت بامیان دیدن خواهند کرد.

گفتنی است که این پنجمین سفر رییس جمهور غنی به ولایت بامیان طی شش سال گذشته است.

بیشتر بخوانید  اعلامیه نمایندگان 11 کشور عضو شورای امنیت درباره نقض حقوق زنان در افغانستان
همرسانی کنید!